Nia ‘dw i, Adweithegydd Clinigol yn ardal Dinbych, Gogledd Cymru.
Yn 2016, roeddwn rhwng dau feddwl. Roeddwn yn feichiog gyda’r mab ieuengaf ac yng nghanol adeiladu estyniad ar y tŷ. Doeddwn i ddim yn sicr a oeddwn am ddychwelyd i’m swydd bresennol ar ddiwedd fy nghyfnod mamolaeth. Roeddwn yn ysu am ychydig o amser i fi fy hun, ac felly es am driniaethau adweitheg. Hwn oedd y tro bwynt yn fy mywyd!
Ar ôl derbyn y triniaethau a phrofi buddion Adweitheg, penderfynais y dylai eraill ei phrofi hefyd. Ychydig fisoedd yn ddiweddarach, roeddwn wedi dechrau ar hyfforddiant Diploma Lefel 5 mewn Adweitheg i Ymarferwyr gydag Ysgol Iechyd Naturiol Gaia. Hwn yw’r lefel uchaf o gymhwyster sydd ar gael yn y Deyrnas Unedig.
Rwy’n angerddol am bob dim byddaf yn ei wneud, a byddaf yr un mor angerddol tuag at eich iechyd a’ch lles chi.
Mewn byd mor brysur, gyda gofynion a phwysau o bob cyfeiriad, mae’n hanfodol ein bod yn canolbwyntio arnom ein hunain. Gofynnwch i’ch hun, pryd oedd y tro diwethaf i chi roi eich traed i fyny? Rydym i gyd mor dda am ailwefru ein ffonau, ond a ydym yr un mor dda am ailwefru ein hunain?
Helpwch eich hun i wella a rhowch eich Traed i Fyny.